Объект хандлагат програмчлал

Орчин үеийн компьютер секундэд хэдэн тэрбум үйлдэл боловсруулах хүчин чадалтай болсон байна. Дундаж наслалттай жирийн хүний бүх л насаараа хийх тооцооллыг орчин цагийн компьютер ганцхан хормын дотор гүйцэтгэх болжээ. Компьютерийн системийн уураг тархи нь болсон програм хангамжийн хөгжүүлэлт нь анх зөвхөн текстэн мэдээлэл боловсруулах энгийн хялбар үйлдлүүдийг гүйцэтгэдэг байсан бол өнөөдөр техник технологийн хөгжил дэвшлийг дагаад текстээс гадна дуу авиа, дүрс зураг гэх мэтийн шинэ хэлбэрийн мэдээллийг ашиглан нарийн нийлмэл нүсэр, ярвигтай бодлогыг шийдвэрлэхурт хугацааны ажил болон хувирсан.Өнөөгийн програм хангамжийн ертөнцөд түгээмэл ашиглагдах болсон Объект Хандлагат Програмчлал нь засвар үйлчилгээ авахдаа сайн, програм хангамжийн дахин ашиглалтыг дэмжих замаар кодын бичиглэл хэмнэдэг, өгөгдлийн далдлалтыг хэрэгжүүлдэг гэх мэт олон давуу чанарыг шингээсэн бөгөөд урт хугацааны програм хангамжийгхөгжүүлэхэд тохиромжтойд тооцогддог.

1. Объект хандлагат технологи

Програмчлалын бүтэцлэгдсэн буюу процедур хандлагат технологид програмын код болон өгөгдлийг салангид авч үзэх бөгөөд програмын код нь өгөгдлөө удирддаг гэж үздэг. Програмчлалын бүтэцлэгдсэн технологи нь богино хугацааны жижиг хэмжээний системийг хөгжүүлэхэдтохиромжтой бөгөөд орчин цагийн программ хангамжид тавигдаж буй өргөн хүрээтэй цогц бодлогыг шийдвэрлэх чадвар, өөрчлөлтөд дасан зохицохдоо хялыар байх чанар, динамикаар хувьсан өөрчлөгдөх уян хатан байдлыг төдийлөн хангаж чаддагүйн улмаас урт хугацааны систем хөгжүүлэлтэнд тохиромжгүй тул объект хандлагат технологид халаагаа өгсөн гэхэд буруудахгүй.
Бүтцийн буюу уламжлалт програмчлалын хэлэнд C, Pascal хэлнүүд  хамаардаг бол C++, Java, C sharp, Asp.net хэлнүүд объект хандлагат програмчлалын хэлэнд хамаардаг.
Объект хандлагат систем хөгжүүлэлтийг гурвалсан (three-tier) хөгжүүлэлт гэж болно. Учир нь боъект хандлагат систем хөгжүүлэлт нь model-view-controller архитектурыг дэмждэг. Өөрөөр хэлбэл model class, view class, controller class гэсэн 3 төрлийн классаар хангагдсан. Үүнд model гэдэг нь тухайн асуудлын хүрээнд яригдах класс (problem domain class), view гэдэг нь хэрэглэгчийн график интерфэйсд зориулагдсан класс (GUI class), controller гэдэг нь удирдлагын класс юм.

1.1 Онцлог, давуу тал

ОХТ /Объект хандлагат технологи/ нь дараах онцлог, давуу боломжуудыг өөртөө шингээсэн. Үүнд:

• Програм хангамжийн дахин ашиглалтыг дэмждэг

• Полиморфизмыг хэрэгжүүлдэг

• Өгөгдлийн далдлалтыг хэрэгжүүлдэг

• Алхам алхмаар нэмэгдүүлэн хөгжүүлэх зарчмыг баримталдаг

Энэ нийтлэл дараа цааш үргэлжилнэ...

Share on Google Plus